對我黎講 , xanga 唔係日記

只係多一個空間比我將特別 d 既事同大家分享

奈何可以分享既真係唔多

唯一可以分享既就係黎緊星期六會同老婆到珠海玩 3 日

希望到時唔會落雨啦

開始覺得最近既生活好苦悶

日日都係返工放工 , 想打波但冇機會打

返到屋企淨係識打機 , 睇塘心風暴  (尤如電車男)

以前做 camp (parttime) 時 , 好想有份寫字樓正職 , 日日安安穩穩咁過

而家 , 願望實現左 , 但又覺得每日不停重覆又重覆咁做同一樣野 , 好悶

琴日 , 有個客破產 , 我竟然好開心

可能因為公司呢排真係冇乜大事發生

又或者財務公司既人最鐘意睇住人地仆街  (但今次仆街既係自己個客)

最近諗返起好多以前既事 :

3年前既今日 , 我正為會考既事感到苦惱

2 年前既今日 , 我以經報讀左毅進 , 等開學

1 年前既琴晚 , 我同 camp 班同事一齊歡送葉生調到總部

同埋 1 年前既今日 , 係我第 1 日返工

而家回想 , 呢間公司都幾好做

老細唔介意我學歷低之餘 , 仲比唔少人工我

同部份同事相處得又好好

最重要係 , 以前做 camp 時既經驗有部份用得返

同埋比人讚我係全間公司入面唯一一個講野冇懶音

好開心

隔左成年 , 有人約我打返波

買左個叮噹風煽

好耐冇同老婆拍拖去街

上星期五放工就去左書展

雖然夜晚 , 但都 ok 多人

我地買左幾本鬼書睇 , 同埋 d 笑話

今星期就動漫節 , 上網見到 xbox 60GB 包 2 個手掣只係 $2,500

個價好吸引 , 不過要忍忍手 ,, 因為要儲錢買樓

琴晚 haze 入左馬鞍山同我地 dinner . 我地傾左好多以前既野

好彩 haze 走左 , 因為而家 d 風風雨雨愈黎愈勁